Ramzan Qodirov Grozniydagi savdo markazida yuz bergan yong‘inni xursand bo‘lib videoga olgan shaxslarni topishni buyurdi

Checheniston rahbari Ramzan Qodirov Grozniydagi “Grand Park” savdo markazida yuz bergan yong‘in chog‘ida quvonchini yashirmagan barcha shaxslarni topishni buyurdi. Bu haqda u aholi salomatligini muhofaza qilish masalalari bo‘yicha majlisda ko‘rsatma bergan, deya ma’lum qiladi “Checheniston bugun” axborot agentligi.

“Bittasi turvolib tasvirga oladi va mamnunligini yashirmay xirgoyi qiladi. U nimadan xursand bo‘lyapti? Kimdir mol-mulkidan, tirikchiligini o‘tkazib, oilasini ta’minlab kelgan do‘konidan mahrum bo‘lganidami? Biz birovning kulfatidan quvonchini yashirmaganlarning har birini topishimiz kerak”, — dedi Qodirov.

Checheniston rahbari yong‘in chog‘idagi yolg‘on xabarlardan ham norozilik bildirgan. Uning aytishicha, ayollar faryod solib, ko‘z o‘ngilarida kuyib bitgan savdo markazidan bolalarning jasadini olib chiqqanlari haqida hikoya qilgan audioyozuvlarni yetkazishgan. “Dindan xabari yo‘q, pastkash odam bo‘lish kerak bunday narsalarni o‘ylab topib, tarqatish uchun”, — deya ta’kidladi Qodirov.

Ma’lumot uchun, Grozniydagi “Grand Park” savdo markazida yong‘in 19-sentabr kuni kechki payt yuz bergan. Bu vaqtda markazda 1000 ga yaqin kishi bo‘lishiga qaramay, o‘t o‘chiruvchilar va qutqaruvchilarning tezkor harakatlari tufayli hech kim jabrlanmagan.

admin

Добавить комментарий

Ваш e-mail не будет опубликован. Обязательные поля помечены *

Next Post

Britaniyalik jurnalist ayol bosh vazir Boris Jonsonni tegajoqlikda aybladi

Вт Окт 1 , 2019
The Sunday Times jurnalisti Sharlott Edvards Buyuk Britaniya bosh vaziri Boris Jonsonni tegajoqlikda aybladi. Bu haqda “Kommersant” xabar bermoqda. U o‘zining yakshanba kungi maqolasida 1999-yili Spectator jurnali tahririyatida bo‘lib o‘tgan tushlik chog‘ida Boris Jonson boshqalardan yashirib sonidan ushlaganini da’vo qilgan. U paytlar Jonson Spectator bosh muharriri lavozimini egallagan, Edvards esa reportyorlik […]